Конференција „Развој на граѓанското општество во Југоисточна Европа: Заедничко Градење на Европа“

              На 17 и 18 Април 2008 година, претставниците на ЦГИ Марина Ѓорѓиоска Китаноска – Заменик директор за програми и Даниела Барабанова – Финансиски менаџер учествуваа на конференцијата „Развој на граѓанското општество во Југоисточна Европа: Заедничко градење на Европа“ во Брисел организирана од Генералниот директорат за проширување на Комисијата (Commission's Directorate-General for Enlargement).

              Главните цели на конференцијата беа да им се понуди на граѓанските организации од Европската унија и проширените земји платформа за вмрежување, размена на најдобри практики и градење на партнерства, и да се пренесат информациите меѓу актерите на граѓанското општество за финансиска поддршка на развојот на граѓанското општество под ИПА и другите програми на Европската Унија.

              Со цел за подобра поддршка на приоритетите од новите капацитети, фокусот беше насочен кон граѓански организации кои работат на четири широки области:

• Добро владеење и демократизација

• Човекови права

• Социјално вкучување/развој, вклучувајќи го и образованието

• Заштита на животната средина и одржлив развој.

              На настанот присуствуваа околу 450 учесници од Европските земји, од Западен Балкан, претставници од Европската Комисија вклучувајќи го и еврокомесарот Оли Рен, Комесарот за наука и истражување Јанез Потпчник и Џорџ Сорос, основач на Институтот отворено општество, како и многу високи претставници од граѓанските организации и европските институции.

              Некои од заклучоците:

          Реформите за време на пристапните процеси донесуваат важни предности за квалитетот на животот на луѓето. Граѓанските организации можат да играат важна улога во трансформацијата на земјите кандидати и земјите потенцијални кандидати во Европските партиципативни демократии, со владеењето на законот повеќе зцврстени во практиката на демократијата и владеењето на сите нивоа.

          Проширено учество на граѓанските организации во реформите преземени во проширените земји може да биде клучен фактор во детерминирање на мирот и квалитетот на пристапниот процес исто како и добивање на јавна поддршка за примање.

           Одговорноста за зајакнување на улогата и влијанието на граѓанското општество во земјите за проширување лежи основно во самите земји. Меѓу акциите кои треба да бидат преземени се:

          Зголемување на професионализмот и капацитетот на граѓанските организации преку размена на знаењата и подобар тренинг.

        Активно барање на техничка експертиза и информација за ЕУ политиките, можностите за финансирање и проектен менаџмент.

       Зголемување на транспарентноста и комуникацијата со нивната моментална социјална средина, и добивање на поддршка за нивните акции од граѓаните и постигнување на зголемено членство и легитимност.

        Да се стане дел од решението и да се придонесе во остварувањето на реформите во нивните општества.

        Зголемување на нивното финансирање и обезбедување на потрајни и разновидни извори на финансирање и сепак задржување на нивната независност како „трет сектор“.

        Работа на одржливоста на нивните акции и проекти.

        Европската комисија, од нејзина страна ќе ги преземе сите мерки за продолжување на промовирањето на развојот на граѓанското општество.